Industria aeronautikoa sektore estrategikoenetako bat da Polonian, lotura handiak baititu zientziaren eta industriaren artean, 100 urteko historia hegazkingintzan eta 80 urtekoa ekoizpen aeronautikoan. Aviation Valley-k bakarrik 180 erakunde biltzen ditu eta 35.000 pertsona baino gehiagori ematen die lana.
Gainera, nazioartean ospe ona duen sektorea da, prezio lehiakorrei eta eskaintzen dituen produktuen kalitate onari esker. Poloniako merkatuko enpresak espezializatuta daude erabilera pribatuko hegazkin txikien, helikopteroen eta osagaien ekoizpenean.
Bestalde, Poloniak industria espazial oparoa du. Gaur egun, 300 enpresetatik erdiak baino gehiagok aktiboki parte hartzen dute Europako Espazio Agentziaren lizitazioetan, eta horrek eragina du haren nazioartekotzean eta indartu egiten du Poloniako sektore aeroespazialaren irudia.
Herrialdeak plataforma erakargarria eskaintzen du osagai aeroespazialak azpikontratatu eta fabrikatzeko, kostu lehiakorrekin, eskulan kualifikatuarekin eta produkziorako ingurune egokiarekin. Eta konkretuki, espazio-esplorazioa eta industria satelitala hazi ahala, aukera handienetako batzuk teknologia espazialen esparruan aurki daitezke.
Xehetasun gehiagorekin ezagutu nahi badituzu merkatuko perspektibak, sektoreko inportazio eta esportazioak, sektorearen balio-katea eta merkatu horretako aukerak, ohar tekniko osoa deskargatu dezakezu
