Ideien eta esperientzien trukea sustatuko da emakumeen eta gizonen berdintasunaren eremuan
Gobernu Kontseiluak Emakunderen eta Dominikar Errepublikako Emakumearen Ministerioaren arteko akordio-memoranduma onartu du gaur. Memorandum horren bidez, lankidetza ezarri da berdintasun- eta sentsibilizazio-politika publikoak sustatzeko eta bultzatzeko.
Zehazki, bi erakundeek informazioa eta esperientziak partekatuko dituzte emakumeen eta gizonen arteko berdintasuna sustatzearekin eta indarkeria matxistaren aurka egiten duten programei eta zerbitzuei buruz.
Era berean, emakumeen eta nesken eskubideen defentsa, emakumeen eta gizonen arteko denboraren erabilera orekatua edo emakumeen ekintzailetza-politikak bermatzeko gauzatutako ekimenak bateratuko dira.
Akordio horrek, halaber, genero berdintasuna sustatzen duten lan-jardunbide egokiei buruzko ezagutzak trukatzea aurreikusten du, Dominikar Errepublikako euskal enpresentzako informazio-instantziak sortuz.
