Barakaldoko Maila Profesionaleko Udal Musika Kontserbatorioak (Antonio Miranda etorbidea) zabaldu du datorren ikasturterako matrikula-epea. Izen-emateak prestakuntza zentroko idazkaritzan aurkez daitezke martxoaren 22era arte.
Zabalik daude 4 ikasturte dituen Oinarrizko Mailarako izen-emateak.
Barakaldoko Udal Musika Kontserbatorio Profesionaleko ikasleek 18 espezialitate dituzte aukeratzeko: akordeoia, bonbardino-tuba, kanto (irakaskuntza profesionaletan bakarrik), klarinetea, kontrabaxua, fagota, gitarra, zeharkako flauta, oboea, perkusioa, pianoa, txistua, saxofoia, tronboia, tronpa, tronpeta, biola, biolina eta biolontxeloa.
Maiatzean egingo da instrumentu aukeratzea eta Oinarrizko Mailara sartzeko proba. Oinarrizko Mailak 24,32ko tasa du (familia ugariek, zentroan neba-arrebak izateagatik eta sarrera ekonomikoak murriztapenak izango ditu). Maila edo matrikula-datei buruzko informazioa honako telefono zenbaketan kontsulta daiteke: 944789575, 944789560 eta 944789561, bestela, Kontserbatorioko web orrian
Barakaldoko Udal Musika Kontserbatorio Profesionalak hirian zein inguruko udalerrietan ere antolatzen diren zenbait ekitaldian (kontzertuak, entzunaldiak, hitzaldiak eta tailerrak) parte hartzen du bertako ikasleekin.
