Itzaltzea martxoaren 23an izango da, larunbata, 20:30etik 21:30era.
Juantxo Marrero Ekologia zinegotziak adierazi duenez, «argia itzaltzeko keinu hutsa baino zerbait gehiago da. Etorkizun iraunkor eta hobe baten aldeko eguneroko ahaleginaren sinboloa da. Argia ordubetez itzaltzea ez da irtenbidea, baina ongi etorria izan dadila itzalaldia, edozein keinu, txikia izan arren, batu eta atmosferara egiten diren emisio kutsatzaileak murrizten laguntzeko, gure bizi-kalitatea hobetuz, ingurumenaren ikuspegitik etorkizun hobeari begira «.
Horrela, 20:30etik aurrera eta 60 minutuz, Kontxako badiako, Santa Klara uharteko, Urgull mendiko, Udaletxeko, Miramar Jauregiko, Artzain Onaren katedraleko, Konstituzio Plazako eraikineko, Santa Maria, San Bizente eta San Inazio elizetako, San Telmo Museoko edo Kursaaleko Auditorioko argi apaingarriak itzaliko dira.
