Eusko Jaurlaritzak Arabako Lurralde Historikoan kokatutako Errioxako DOCeko mahastiak berdez biltzeko laguntzak argitaratu ditu. Arabako Foru Aldundiarekin lankidetzan diseinatutako laguntza-neurrietatik lehena da, 2024an Arabako Errioxako mahastizaintza eta ardogintza sektorerako.
Oraindik heldu gabe daudenean ardogintzara bideratutako mahats-mordoak desagerrarazteko laguntza da, lursailaren errendimendua zerora murrizteko azken helburuarekin, bertan mahatsik bildu gabe egon gabe.
Uzta berdeagatiko laguntzak 0,64 €/ kg-ko finantzaketa izango du gehienez, eta honako baldintza hauek bete beharko dira:
- Uzta berdea eskuz egin behar da.
- Mahastizaintzako lurzati bakoitzeko azalera 0,3 hektareakoa edo handiagoa izango da, eta barruti oso batek edo gehiagok osatu ahal izango dute.
- Jaso beharreko laguntza kalkulatzeko erreferentziazko azalera Mahastizaintzako Azalera Finantzagarria izango da, erreferentziako Erkidegoko araudiak ezartzen duenaren arabera.
- Laguntza-eskaera bakoitzeko gehieneko azalera 10 hektareakoa izango da.
- Laguntza eskatzen duen mahastiak 2023/2024 kanpainaren aurreko hiru kanpainen aurretik landatua izan behar du.
- Mahastiak ardogintzarako mahatsa ekoizteko izan behar du, Arabako Lurralde Historikoan kokatutako Errioxako DODaren esparruan.
- Uzta berdean egiteko lanak uztailaren 15erako amaituta egon beharko du.
Laguntzak kudeatzeko arreta-zerbitzua
Laguntza eskatzeko prozedura telematikoki egin daiteke aplikazio honen bidez: https://www.araba.eus/MahastiAraba
Hala nahi duen eskatzaileak bere kabuz egin dezake tramitazioa, baina kudeaketa hori errazteko, Eusko Jaurlaritzako Ekonomiaren Garapen, Jasangarritasun eta Ingurumen Sailak, Arabako Foru Aldundiarekin lankidetzan, aurrez aurreko arreta-zerbitzu bat abian jarri du laguntza horiek izapidetzeko, eta martxan egongo da eskabideak aurkezteko epean, 2024ko apirilaren 10etik apirilaren 29ra arte.
Bulegoa Guardiako Ardoaren Etxean dago eta 08:30etik 15:00etara egongo da zabalik.
Laguntza kudeatzeko bi laguntza-telefono ere jarri dira:
- 607 095 653 – 08:00etatik 15:00etara, eskaera elektronikoki beren kabuz egiten duten pertsonen informazio orokorra eta orientazioa.
- 945 181818 (Esp.: 56517/56518/56519) – 08:30etik 15:00etara, Guardiako Ardoaren Etxeko aurrez aurreko arreta-zerbitzuan egindako eskaerei erantzuteko.
Laguntza izapidetzeko, etxetik bertatik zein aurrez aurreko arreta-bulegotik, BakQ identifikazio-txartela eduki beharko da.
Hori lortzeko, hau egin behar da:
– NAN/AIZ/Pasaportea identifikatzeko agiri bat aurkeztea.
– Posta elektronikoko kontua izatea.
– Telefono mugikorra izatea.
BakQ txartela hainbat tokitan eska daiteke, hala nola:
– Lezako Udala, Navaridas, Eltziego, Bilar, Kripan, Lantziego, Ekora
– Guardiako Koadrilaren egoitza
– Eskualdeko KZ Guneen egoitzak: Samaniego, Mañueta, Guardia, Eltziego, Kripan, Lantziego, Ekora, Moreda eta Oion.
– Erreferentziako KZ Gunea:
— Oion, Foruak 4 (Kultur Etxea)
Ordutegia: 09:00etatik 13:00etara eta 16:00etatik 20:00etara
— Laguardia, Santa Engrazia 47, 2.a
Ordutegia:
* Astelehen eta astearteetan 16:00etatik 20:00etara
* Asteazken eta ostegunetan 09:00etatik 13:00etara eta 16:00etatik 20:00etara
* Ostiraletan, 09:00etatik 13:00etara
Telefono bat ere badago BakQ txartela eskuratzeko hitzordua eskatzeko: 945 062 555
Mahastizaintza- eta ardogintza-sektoreari laguntzeko neurri-sorta
Eusko Jaurlaritzak, Arabako Foru Aldundiarekin lankidetzan, Arabako Errioxako mahastizaintza eta ardogintza sektoreari laguntzeko ezohiko finantza-neurrietan lehena da uzta berdea biltzeko laguntza, merkatuen eskaintzaren eta eskariaren arteko oreka berrezartzeko eta haren errentagarritasun-galera arintzeko.
Uzta berdean biltzeko laguntzaz gain, 2024an beste neurri batzuk ezarriko dira errendimendua murrizten laguntzeko, merkataritza-fondoaren galera konpentsatzeko eta ardoa borondatez destilatzeko.
