Turismo, Merkataritza eta Kontsumo Sailak PTT Lurralde Proiektu Turistikoen laguntzei buruzko agindua jarriko du abian. Agindu horren helburua da EAEko helmugen erakargarritasuna eta kalitatea hobetuko duten lurralde-proiektu turistikoei laguntzea, turismo-fluxu berriak dinamizatuz, banatuz eta sortuz, baldin eta proiektu-mota hauetan sartzen badira:
- Euskal Autonomia Erkidegoko helmugen erakargarritasuna eta esperientzia turistikoa hobetzen duten lurralde-proiektu turistikoak.
- Helmugen lehiakortasuna eta jasangarritasuna hobetzen duten proiektuak.
Horretarako, 2024rako 426.000 euroko ordainketa-kredituak eta 2025erako 552.000 euroko konpromiso-kreditu bat eskatu dira.
Bestalde, Basquetour Sozietate Publikoa 2024rako sustapen- eta komunikazio-plan batean murgilduta dago, Nazioarteko Turismo Azokan (Fitur) 2024ko urtarrilean aurkeztu zen Grand Tour produktuan oinarrituta.
Grand Tourrak batez besteko egonaldia eta turistaren gastua handitzeko helburua du, fluxuen banaketa lurralde osoan sustatuz. 900 km eta 8 etapa baino gehiago dira, bakoitza bere esentzia, paisaia eta ezaugarri bereizgarriekin, baina aldi berean osagarriak direnak eta helmuga osoaren erakargarritasuna areagotzen dutenak, bisitatzen gaituenaren gogobetetze-maila handituz. Alderdi hori sustapenaren testuinguruan funtsezkoa izanik, bisitatzen gaituztenen % 84k gomendatuko lioke helmuga lagun bati edo familiarteko bati.
Horregatik guztiagatik, Basquetourrek distantzia luzeko merkatu horietan egin nahi ditu sustapen-ekintzak, merkatu bakoitzeko hedapen-plataforma nagusiekin akordioak eginez.
Aipatutako merkatu estrategikoetako ekintzen mailan, Basquetourrek aurrekontu-ahalegin gehigarria egin beharko du hainbat ekitaldi antolatzeko:
- TBEX Biltzarra (AEBko 350/400 influenzer), egoitza Donostian izango du baina lurralde osoan zehar egingo dira bidaiak. Ekitaldia bozgorailu garrantzitsua izango da, eta Estatu Batuetako merkatuan eragin nabarmena izango duten sareetan ikusgarritasun organikoa emango du.
- Bitartekoen Planean nazioarteko merkatuetan egindako inbertsioan fakturazio maximoetara iritsi beharko dugu, bai markaren nabaritasuna handitzeko bai bihurketa sustatzeko.
- B2B trade ekintzei dagokienez (bidaia-agentzia igorleak), helmugaren bi aurkezpen egingo ditugu Mexikoko bi hiritan, Mexico Cityn eta Monterreyn. Bi kasuetan gurekin Euskadiko 15 enpresa joatea aurreikusten dugu, eta bertan bi workshopetan (hiri bakoitzean bat) parte hartzeko aukera izango dute, eta bakoitzean tokiko 50 eragile baino gehiagorekin elkartuko dira akordioak ixteko.
Proiektu estrategiko horiei aurre egiteko Basquetourrek 365.495 euroko ordainketa-kreditu bat eskatu du sozietate publikoaren Diruzaintzako gerakinen kargura, eta Ekonomia eta Ogasun Sailarekin koordinatu eta konprometitu dira.
