- Inbertsio publikoaren betearazpenak ere hobera egin du, % 81 lortu baitu (2022an % 78koa izan zen)
- Euskal kontu publikoek behin-behineko itxieran % 0,08ko defizita dute, eta 10.661 M €-ko zorpetzea
Eusko Jaurlaritzak, 2023ko ekitaldiaren behin-behineko itxieran, bere aurrekontuaren % 96ko betearazpena aurkeztu du. Beraz, 2022ko datuak hobetzen ditu eta Estatuko autonomia-erkidegoen aurrekontu-betearazpenaren buruan jarraitzen du —Estatuko batez bestekoa % 91 da—.Betearazpen-indize horrek berekin ekarri du euskal administrazioak orain arte egin duen ahaleginik handiena, 14.109 M € kudeatu baititu, ziurgabetasun ekonomiko globalek markatutako ekitaldian. Inbertsio publikoari dagokionez, 2023an, betearazpen-zifrak ere hobetu egin dira, % 81 lortuta —2022an, berriz, % 78—.
Era berean, EAEko kontu publikoek, 2023ko behin-behineko itxieran, % 0,08ko defizita dute, eta 10.661 M €-ko zorpetzea, hau da, EUSTATek egindako gure BPGd-aren % 12,5. Diruzaintzako gerakin erabilgarriei dagokienez, abenduaren 31n 1.575 M €-koak izan ziren —2022an 1.900 M €-koak—, eta horietatik 540 M € erabilgarri daude, neurri batean 2024ko aurrekontua finantzatzeko erabili baitziren. Gainera, 2023an Administrazio Orokorrean ordaintzeko batez besteko epea 19 egunekoa izan da, eta 3 egunetan hobetu da 2022ko datua —hornitzaileei ordaintzeko epe laburrena duten 3 autonomia-erkidegoen artean dago—.
Zehazki, Eusko Jaurlaritzan, honako hau izan da betearazpena sailka:
| Saila | BETEARAZPENA 2022 | BETEARAZPENA 2023 |
| Lehendakaritza | % 71 | % 88 |
| Segurtasuna | % 94 | % 97 |
| Lana eta Enplegua | % 93 | % 99 |
| Gobernantza Publikoa eta Autogobernua | % 93 | % 90 |
| Ekonomiaren Garapena, Jasangarritasuna eta Ingurumena | % 73 | % 71 |
| Ekonomia eta Ogasuna | % 96 | % 97 |
| Hezkuntza | % 98 | % 99 |
| Lurralde Plangintza, Etxebizitza eta Garraioak | % 88 | % 88 |
| Osasuna | % 100 | % 100 |
| Berdintasuna, Justizia eta Gizarte Politikak | % 86 | % 90 |
| Kultura eta Hizkuntza Politika | % 97 | % 98 |
| Turismoa, Merkataritza eta Kontsumoa | % 89 | % 92 |
Gobernantza Publiko eta Autogobernuko Sailaren betearazpena aurreko ekitaldikoa baino txikiagoa izan da, kostuen jaitsieragatik —hala nola energiaren kasuan—, eta Ekonomiaren Garapen, Jasangarritasun eta Ingurumeneko Sailaren betearazpenak, berriz, behera egin du, neurri handi batean laguntza-ildoen eskaera txikiagoa izan delako hurrengo krisiek eragindako eraginetarako (COVID-19a, Ukrainako gerra…). Bestalde, Turismo, Merkataritza eta Kontsumo Sailaren exekuzioa % 96koa izan behar zen, baina ezin izan da sartu Arabako Foru Aldundiarekin sinatutako Auzitegi Gorenaren Epaia, Aldundiak ez zuelako tramitazioa amaitu 2024ko urtarrilera arte, eta, beraz, ez delako gauzatu 2023ko aurrekontuan.
Eusko Jaurlaritzaren “inbertsio”-kapituluei dagokienez (6, 7 eta 8), hiruren batez besteko betearazpena % 81ekoa da. 1.885 M €-tik 1.745 M € konprometitu dira, eta 1.529 M € betearazi dira.
