- Artium Museoan, Arabako urrezko domina Gasteizko ikertzaile Mercedes Marotori
Nerea Melgosa Eusko Jaurlaritzako Berdintasun, Justizia eta Gizarte Politiketako sailburuak parte hartu zuen larunbatean, Gasteizko Armentiako San Prudentzio basilikan, Arabako zaindariaren omenezko meza, prozesio, aurresku eta zortzikoan. Gainera, Artium Museoan izan zen Gasteizko ikertzaile Mercedes Maroto´ri urrezko domina ematen, foru aintzatespen gorena jaso duen laugarren emakumea.
Nerea Melgosak, Ramiro González, Irma Basterra eta Maider Etxebarriarekin batera, Josetxu Apellaniz Armentiako apaiza eta Juan Carlos Elizalde gotzaina agurtu zituen, Jose Ramon Marin, Alfredo Vela, Victoria Martinez, Carlos Errasti eta Blanca Aguillo buru zituzten San Prudentzio Kofradiako kideez eta Arabako udal eta foru gobernuez gain. Armentiako Administrazio Batzordeko kide diren Alfredo López de Uraldek, Adolfo Canillasek eta Jesús María Gorospek talde osoa hartu zuten.
Armentiako zelaietan erromeria tradizionala egin zuten, besteak beste, Arabako Euskal Dantzetako taldeen bilera (Haize Dulantzi Dantza Taldearekin) eta Herri Kirolen erakustaldia (Urrezko Aizkolarien XXVII. Banakako Txapelketako kanporaketarekin).
Arratsaldeko lehen orduan, Melgosa Artium Museoan izan zen, Arabako Urrezko Domina banatzen. Ahaldun Nagusiak Lurraldeko Urrezko domina eman dio Mercedes Marotori, eta emisioak murrizteko teknologien arloan errekonozimendu handia du.
Gaur egun, Maroto Erresuma Batuko Industria Deskarbonizazioko Ikerketa eta Berrikuntza Zentroko (IDRIC) zuzendaria da, eta erakunde horrek gidatzen du zero emisio garbiko etorkizuneko eraldaketa. Edimburgoko (Eskozia) Heriot-Watt Unibertsitateko zuzendariordea ere bada, eta ingurumen-jasangarritasuneko jardueren buru da, CO2 murrizteko helburu orokorrak lortzeko.
