- 2023an, laguntza horiek 93 proiektu finantzatzeko balio izan zuten: 33 Araban, 28 Bizkaian eta 32 Gipuzkoan
Gotzone Sagardui Osasuneko sailburuak Euskadiko irabazi-asmorik gabeko gizarte-ekimeneko elkarteentzako laguntzen Aginduaren berri eman dio gaur Gobernu Kontseiluari. Gaixoek eta haien familiek osatzen dituzte elkarte horiek, eta kolektibo horien bizi-kalitatea hobetzera bideratuta daude laguntzak.
Laguntzek 300.000 euroko zuzkidura dute, eta Euskal Herriko Agintaritzaren Aldizkarian (EHAA) argitaratu eta hurrengo egunetik aurrera eskatu ahal izango dira (aurki, oraindik egunak zehaztu gabe badaude ere). Laguntzen helburua da 2024an egin diren eta xede hauek dituzten jarduerak finantzatzea:
-Gaixoen autozainketako gaitasuna maximizatzeko eta haien autonomia areagotzeko trebetasunak eta baliabideak garatzen laguntzea.
-Haien premia soziosanitarioak osasunaren sustapenaren ikuspegitik babestea eta bideratzea.
-Gaixotasunari eta arrisku-faktoreei buruzko ezagutza eta informazioa areagotzea, baita osasun-jokabide egokienei buruzkoa ere.
-Eragindako pertsonen osasun-arloko desberdintasunak murriztea, eta genero-ikuspegia txertatzea. 93 proiektu: 33 Araban, 32 Gipuzkoan eta 28 Bizkaian.
Joan den urtean, laguntza hauek balio izan zuten mota honetako guztira 93 proiektu finantzatzeko: 33 Araban, 28 Bizkaian eta 32 Gipuzkoan.
Osasun Sailak funtsezkotzat jotzen du elkarte horiek gaixoen eta haien senideen osasun fisiko, psikologiko eta sozialari egiten dioten ekarpena, hala nola alderdi hauetan: gaixotasunaren errealitate sozial eta afektiboarekin zuzeneko harremana izatea, edo autolaguntzako zerbitzu eta programen bidez laguntza zuzenekoa eta enpatikoa ematea.
