Bizkaiko Txakolina Jatorri Deiturak bere 30. urteurrena ospatu du gaur, ardoen urtaldi berria San Mameseko belarrean aurkeztuz. «Txakolin Egunaren» baitan, Itziar Ituño aktore basauritarra izendatu dute Mezulari Nagusi, “bere ibilbide profesional bikaina eta euskararen eta euskal kulturaren hedapenean egindako ekarpena” aitortuz. Kontseilu Arauemailearen idazkari nagusi Anton Chapartegui ere Ohorezko Mezulari izendatu dute, 1994an sortu zenetik joan den irailean erretiratu zen arte, “nazioarteko ospe handiko ardo bihurtzeko egin duen ekarpenagatik».
Arantxa Tapia sailburuak ekitaldian ere hartu du parte, «funtsezkoa da gogoratzea txakolinaren arrakasta ez dela produktuaren kalitatearen emaitza bakarrik, baita txakolina lantzen eta egiten dutenen konpromisoaren eta dedikazioaren emaitza ere, bai mahastietan, bai upeltegietan. Aspaldiko garaietatik, Bizkaiko eskualdea mahastizaintzaren eta ardogintzaren gotorleku izan da, eta txakolina tradizio aberats horren zati integrala izan da» nabarmenduz.
2023. Bizkaiko Txakolinaren urtaldia
2023an, 1.457.146 litro (2022an baino %18,5 gutxiago) ekoitzi dira bildutako 2.201.883 kilo mahatsetik aurrera. 172 mahastizainen lanari esker, 436,34 hektarea landatzen dituzte eta BIZKAIKO TXAKOLINA Jatorrizko Deitura osatzen dute 36 upeltegietan ardotzen dute uzta.
Urtaldiaren kalitateari dagokionez, “oso ona izan da, izaera atlantiko nabarmenarekin, eta ibilbide luzeko ardo freskoak lortu dira, maila eta azidotasun aldetik orekatuak”. Esportazioari dagokionez, salmenta-bolumenaren %5 da. BIZKAIKO TXAKOLINA JDko ardoak gehien eskatzen dituzten herrialdeak , ordena honetan, Ameriketako Estatu Batuak (AEB), Herbehereak, Japonia eta Norvegia dira.
