- Euskadin 300 bidaia-blogari baino gehiago bilduko dira eta gure helmuga gertutik ezagutzeko aukera izango dute
TBEXek Euskadi aukeratu du TBEX 2024 Topaketa egiteko Donostian, maiatzaren 28-31n, eta Turismo, Merkataritza eta Kontsumo Sailaren laguntza du, Basquetourren bitartez. 30 herrialde baino gehiagoko bidaia-blogarien eta -influencerren komunitateko nazioarteko fororik handiena da, eta, kongresua egiteaz gain, aste honetan zehar Euskadin zehar ibiltzeko aukera izango dute.
TBEX elkarte gisa sortu zen 2009an Estatu Batuetan, eta gaur egun nazioarteko 700 bidaia-idazle eta bizi-estilo onenetakoak biltzen ditu. Kongresuarekin batera, TBEXek hainbat gairi buruzko tailerrak eta lan-saioak antolatzen ditu, storytelling, idazketa sortzailea, argazkilaritza espezializatua, bideoen sorkuntza, podcastinga eta SEO, besteak beste.
TBEX aukera bat da, networkingerako ez ezik, social media, influencer eta marketing munduko arrakasta-kasuak ezagutzeko ere. Era berean, Euskadirentzat garrantzitsua da influencer horiei harrera egin ahal izatea, ehunka eduki sortuko baitira kanal desberdinetan, eta horrek marketin-kanpaina aparta eskainiko du.
Kongresua ostegunean, hilak 30, eta ostiralean, hilak 31, izango da Donostiako Kursaalean. Aurretik, gaurtik hasita, tourrak egingo dira hiria eta inguruak ezagutzeko, eta topaketa bat egingo da Getarian, euskal gastronomia dastatu ahal izateko.
Gainerako egunetan eta asteburuan, hiru lurraldeetako jarduerak eta bidaiak aukeratu ahal izango dituzu: Goierri eta Tolosaldea; Arabako Errioxa; Gasteiz eta Gesaltza Añana; Bilbo eta Enkarterri eta Bizkaiko kostaldea.
