Club Athletici atxikitako lehentasunezko 2.237 plazen zozketarako zenbaki saritua 1.283 da
2024/25 denboraldian Gazte Abonoa izateko izen-ematea ekainaren 13ko 18:00etan itxi zen eta 14 eta 26 urte bitarteko 5.673 gaztek izena eman zuten.
Klubak 2.237 plazak zozketatu ditu, Club Athletici lehentasunez atxikitako izen-emateen artean, 4.165 guztira.
Inskripzio horietako bakoitzari 1 eta 4.165 arteko zenbaki bat esleitu zaio, izena eman den hurrenkeraren arabera, eta zozketan 1.283 zenbakia saritu da. Beraz, zenbaki hori duen pertsonak eta hurrengo 2.236 pertsonek (1.283tik 3.519ra) 2024/25 denboraldiko LaLigako partidetarako Gazte Abonoa erosteko eskubidea izango dute. Zozketan saritutako pertsona guztiek mezu elektroniko bat jasoko dute datozen orduetan, dagokien informazioarekin.
Eserlekuak aukeratzea eta Gazte Abonoa ordaintzea
Behin Gazte Abonoa erosteko plazak esleituta, eserlekua aukeratzeko prozesua eta Gazte Abonoaren ordainketa Klubaren webgunearen bidez egingo da, ekainaren 19ko 12:00etatik aurrera. Taldeen kasuan, taldeko buruak saio bakar batean eman beharko du izena eta talde osoaren abonuak ordaindu beharko ditu.
Ekainaren 26a (asteazkena) baino lehen aukeratzen eta ordaintzen ez diren plazak, 14:00etan, zozketan saridunen hurrengo zenbakietara pasatuko dira, hurrenkera korrelatiboan (horren berri posta elektronikoz emango da).
