Kontratua urtebetez luzatu ostean, atezain zuri-gorriak Athleticen atea defendatuko duen laugarren urtea izango da
Athletic Clubek eta Mariasun Quiñones atezainak akordioa lortu dute kontratua beste denboraldi batez luzatzeko, 2025eko ekainaren 30etik aurrera berriro ere luzatzeko aukera gehigarriarekin. Hondarribiako atezainak 67 partida ditu zuri-gorri gisa, 11 denboraldi honetan (9 Liga F-n eta 2 Kopan). Ibaigane Jauregian egin den berritze ekitaldian Jon Uriarte presidentea eta Xabier Arrieta Emakumezkoen Futbol zuzendaria bertan izan dira.
27 urterekin, kirol-heldutasuneko unea bizi du Quiñonesek, eta bere ibilbideari jarraipena Lezaman emango dio. Quiñones 2021eko uztailean Realatik iritsi zen Lezamara, bertan zazpi denboralditan ate txuri-urdina defendatu zituela. Lehoiak duela hamar urte egin zuen debuta Lehen Mailan eta internazionala izan da Espainiako selekzio absolutuarekin.
Adriana Nanclaresi laguntzen eta postua lehiatzen diolarik, agerian geratzen da Athletic Clubeko atea ondo estalita egongo dela bi futbolariekin. «Sun», aldagelan maitekiro esaten zaion bezala, oso pozik agertu da kontratu berria sinatu ondoren.
