Udal agintariek Konstituzio plazako lizarraren aurrean ohiko erritua egingo dute
Donostia prest dago udari ongietorria egiteko ekainaren 23an, San Joan bezperan. Donostiako Udalak – Donostiako Festa atalaren eskutik – eta hainbat auzo- eta kultur-elkartek hiriko hainbat txokotan ekitaldi ezberdinak antolatu dituzte.
Guztira 20 su antolatu dira hiriko auzo ezberdinetan. Horiekin donostiarrek udari ongietorria emango diote, egunak gauari gailentzen zaion jardunaldian. Igeldo, Antigua, Aiete, Amara Berri, Morlans, Amara Zaharra, San Roke, Loiolako Erriberak, Parte Zaharra, Martutene, Loiola, Egia, Sagues, Intxaurrondo Zaharra, Intxaurrondo, Bidebieta, Herrera, Larratxo eta Oleta auzoetan suak piztuko dira, hainbat kultur- eta gizarte-jardurduerataz inguratuta.
Konstituzio plazako ekitaldia
Ohiturari jarraituz, aurten ere Udal agintariek Konstituzio plazaren erdian jartzen den lizarraren aurrean erritua egingo dute. Ekitaldia 20:00etan hasiko da eta, bertan, Udal agintariekin batera Goizaldi, Arkaitz, Eskola eta Gero Axular dantza taldeek Udal Txistulari Taldeak musikatuko duen Eskudantza dantzatuko dute.
Behin Eskudantza amaituta, San Joan-eko lizarrari erritua egiteko unea iritsiko da. Agintariek Lizarra ureztatuko dute eta, jarraian, dantzariek su emango diote. Behin sua piztuta, dantzariek eta Udal agintariek fandangoa eta arin arina dantzatuko dute, eta jarrian kalejira egingo dute plazan zehar. Behin kalejira amaituta, sua itzaliko da eta lizarraren azala banatuko da, Udal Txistulari Taldeak erromeria egiten duen bitartean.
