KEM ONE enpresak, Hernanin egoitza duenak, ekainean Segurtasun Saria jaso du Espainiako Industria Kimikoaren Enpresa Federazioaren (FEIQE) eskutik. Federazio horrek sektoreko enpresa kimiko liderrak bikaintasunagatik aintzatesten ditu. Zehazki, sektore kimikoan laneko segurtasunean eta osasunean liderrak diren enpresei eman zaizkie sariak, 2023an “zero istripu” indizea lortu baitzuten.
KEM ONE AVEQ-KIMIKAko kide da, Euskadiko 130 enpresa kimikok baino gehiagok osatutako enpresa-elkartea, eta ez da sari hori jasotzen duen lehen aldia: 2018an, 2020an eta 2021ean ere eskuratu zuen.
Konpainia 1949an eratu zen, “Espainiako PVCaren lehen instalazioa bihurtuz. Gaur egun, konpainia kalitate handiko plastiko horren Europako bigarren ekoizlea da“, adierazi dute AVEQ-KIMIKAtik. Hernaniko lantegian fabrikatzen diren produktuek automobilgintzan, eraikuntzan, osasun-sektorean (kateterrak, odol-plasmarako poltsak, itoginak, etab.), aisialdian eta uraren tratamenduan dute erabilera. “Bitxikeria gisa, 2016ko Rioko Jokoetako eskubaloi, boleibol eta saskibaloi pistak KEM ONEren PVCarekin egin ziren”, gaineratu dute elkartetik.
Jasotako sariak “enpresa kimikoek langileen segurtasun- eta osasun-arloan duten bikaintasun- eta dedikazio-maila handia aintzatesten du, eta horrek prebentzioaren kulturan eta sektoreak arlo horiek etengabe hobetzeko duen konpromisoan eragiten du”, adierazi du FEIQEk.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
18 ekaina, 2024
Innobasquek adimen artifizialeko eta AA sortzaileko kasu praktikoen deialdia egin du hurrengo Global Innovation Day jardunaldirako
12 ekaina, 2024
aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian
11 ekaina, 2024
Intermaherrek bezeroei haien makinen bizi-ziklo osoan laguntzeko zerbitzua eskaintzen die
6 ekaina, 2024
Proelek hazi egin da, sektore guztietan zirkuitu elektronikoen eskaria handitu delako
30 maiatza, 2024
‘Sua Jauna’ sistema, 24 orduz sukaldean dagoen suhiltzailea
