Jaurlaritzaren Kontseiluak oniritzia eman dio Elikadura, Landa Garapen, Nekazaritza eta Arrantzako Amaia Barredo Sailburuaren aginduari. Agindu horren bidez, Errioxa JDKn (DOCaR) ekoitzitako eta Euskal Autonomia Erkidegoan egindako ardo destilatuaren litroko laguntzaren balioa ezartzen da: ardo beltza 0,864 euro, eta ardo gorria 0,860 euro zatitzen da.
Ekainaren 18an, Eusko Jaurlaritzak Arabako Errioxako upeltegiei zuzendutako destilazio-laguntzak onartu zituen, ia 7,5 milioi euroren truke. Horietan, litroko laguntzaren intentsitatea indarrean dagoen Europako erregelamenduan ezarritakoaren arabera kalkulatzen zen, eta, beraz, laguntzaren zenbatekoak ezingo zuen gainditu indarrean dagoen merkaturatze-kanpainan ekoizpen-mailan erregistratutako hileko batez besteko preziorik baxuenaren % 80, neurria aplikatzen zaion diruz lagun daitekeen ardo mota eta kolorazio bakoitzerako, eskualde jakin batean edo estatu kideko lurraldean.
Hasiera batean Eusko Jaurlaritzak Europako Batzordeari egindako proposamenak (0,92€ eta 0,91€, hurrenez hurren) Europako Batzordeak eta Ministerioak orain agindutakoa gainditzen zuen, «Errioxa JDKk babestutako ardoaren destilazioagatiko laguntzarako kalkulatutako zenbatekoaren gainetik zegoelako, erreferentziako merkatu bera balitz bezala», autonomia-erkidego bakoitzaren berezitasunak aintzat hartu gabe, eta laguntzaren intentsitatea inguruko autonomia-erkidegoen multzoaren berdina izan behar dela kontuan hartu gabe, hau da, litroko 0,864 euro ardo beltzentzat eta litroko 0,860 euro ardo gorrientzat.
Azkenik, gaur onartutako aginduarekin, beherantz zuzenduko da 2024´ko ekainaren 18´ko Aginduan jasotako hasierako zifren intentsitatea (0,92€ eta 0,91€). Agindu horren bidez, 2024. urterako ardoaren sektorerako ezohiko laguntzak onartu ziren, Errioxa Jatorri Deitura Kontrolatuaren babespean dauden ardoak destilatzeko, Europako Batzordeak adierazitakora egokitzeko (0,864€ eta 0,86€), errekurtsoa aurkezteko biderik ez dagoelako.
