Athletic Club-Atletico de Madrid, Championseko proba lehoientzat

Datorren astean Athletic Clubek Atletico Madrilen aurka neurtuko ditu indarrak denboraldiaurreko bigarren partidan. Hitzordua abuztuaren 6an izango da, asteartean, Aranda de Dueroko Municipal de El Montecilloko zelaian eta norgehigaoka 19:30ean abiatuko da. Bertaratzea doakoa izango da, baina, edukiera kontrolatua izan dadin, sarrerak zenbakituak izango dira.

Neurketa erakargarria izango da talde bilbotarrarentzat, iragan denboraldian hirugarren sailkatuaren aurka neurtuko baititu indarrak. Kirol-ikasturte berriran Madril CFF taldeko entrenatzaile ohia buru izango duen talde koltxoneroak, 8 puntuko abantaila atera zion David Aznarrek zuzentzen duen taldeari eta Txapeldunen Ligako atarikoa jokatzeko sailkapena lortu zuen.

Larunbatean, Tafallan, Liga F-n jokatzen duen SD Eibarren aurkako lagunartekoaren osteko bigarren proba izango da honakoa. Ostera, abuztuaren 10ean, talde zuri-gorriak Coruñan jokatuko den Teresa Herrera Trofeoan parte hartuko du, etxeko taldea den Deportivo Abanca izango du aurkari.

Aranda de Dueroko Udala eta emakumezkoen taldea duen Arandina CF kluba buru-belarri aritu dira Burgosko herri honetan goi mailako norgehiagoka hau bertan joka dadin.