Athleticek Getafe San Mamesen hartzeko hiru egun falta direnean, Iñigo Lekuek komunikabideen galderak erantzun ditu Lezaman
Behin denboraldiaurrea amaituta, Athleticek Getafe hartuko du ostegun honetan San Mamesen, LaLigako 1. jardunaldian, ilusioz beteriko denboraldiari hasiera emateko. Iñigo Lekuek hamargarren denboraldia du aldagelan, eta lehoien kapitainetako bat da. «Ilusio handia arnasten da taldean, denboraldi hasieran bezala, baina berunezko oinekin, urte zorrotza eta luzea izango dela jakinda. Egunez egun lehiatuko gara «.
San Mamesen Getafe hartzeko hiru egun falta direnean, atzelariak adierazi duenez, «gauzak oso zail jarriko dizkigute, denboraldi hasieran ia edozein talde baita ezezaguna. Agian gu gutxiago, plantillaren jarraipenagatik eta klub motagatik».
Europara itzultzeari buruz galdetuta, Lekuek esan du «aukera ona» dela «Europan zein klub garen erakusteko, baita beste era batera lehiatzen gaituzten taldeen aurka jokatzeko ere, oso gogorrak, eta Bilbon sortzen den giroaz gozatzeko».
