Euskaltel-Euskadi taldeak ezin izan du saioa burutu Espainiako Vueltako bosgarren etapan, 177 kilometro Fuente del Maestre Sevilla tartean, beste egun bero batean Extremadurako lurretatik Andaluziako hiriburura. Talde laranja izan da talderik onena.
Juaristik ihes egin du talde laranjari protagonismoa emateko laugarren egunez jarraian, Ruizekin (EKP) batera. Bost minutuko aldearekin, tropelak iheskideei eutsi die eta azkenean bizkaitarra harrapatu du helmugatik 38 kilometrora, 140 Markina-Xemeingoarentzat lasterketa buruan, beraz.
Helmugan, Euskaltel-Euskadik Aberasturi eraman du burura; azken kilometroan, ordea, postuak galdu dituzte eta arabarra 14. helmugaratu da, Xabier Berasategi 16. eta Gotzon Martin 18. Pavel Bittner (DSM) azkarrena izan da, eta Primoz Roglicek (RBH) jarraitzen du lider.
Jorge Azanza, Euskaltel-Euskadi taldeko kirol arduraduna: «Pena bat izan da guretzat aukera ona zelako. Azken unean posizioak galdu ditugu eta ezin izan dugu etapa nahi bezala lehiatu. Dena dela, taldeak oso ondo egin du lan, eta Txominek ihesaldian bilatzen dugun protagonismoa eman digu. Txirrindulariak oso ondo ikusten ditut, sasoian eta konfiantzarekin, eta ziur nago ihesaldi batzuk iritsiko direla eta hor egongo garela baten bat burutzen saiatzeko eta emaitza bikaina lortzeko».
Mendi ertaina izango da protagonista seigarren etapan, 185,5 kilometro Jerez de la Frontera-tik Yunquera-raino, iheserako ibilbidean ezin hobean, Boyar mendatearekin (1.a, 73,4 km), 14,7 km % 5,5ean, eta Hirugarren Mailako hiru, 130,3 eta 160 kilometroetan, eta helmugan, Alto de las Abejas, 8,9 km % 3,9an.
Hurrengo etapak:
- Abuztuak 20, asteartea. 4. etapa: Plasencia – Pico Villuercas, 170,5 km. Irteera: 13:27 / Helmuga: 17:19-17:42
- Abuztuak 21, asteazkena. 5. etapa: Fuente del Maestre – Sevilla, 177 km. Irteera: 13:34 / Helmuga: 17:19-17:40
- Abuztuak 22, osteguna. 6. etapa: Jerez de la Frontera – Yunquera, 185,5 km. Irteera: 12:59 / Helmuga: 17:17-17:44
- Abuztuak 23, ostirala. 7. etapa: Archidona – Córdoba, 180,5 km. Irteera: 13:25 / Helmuga: 17:20-17:42
- Abuztuak 24, larunbata. 8. etapa: Úbeda – Cazorla, 159 km. Irteera: 13:49 / Helmuga: 17:20-17:41
- Abuztuak 25, igandea. 9. etapa: Motril – Granada, 178,5 km. Irteera: 12:49 / Helmuga: 17:16-17:46
Abuztuak 26, astelehena. Atseden eguna
- Abuztuak 27, asteartea. 10. etapa: Ponteareas – Baiona, 160 km. Irteera: 13:42 /Helmuga: 17:19-17:41
- Abuztuak 28, asteazkena. 11. etapa: Padrón – Padrón, 166,5 km. Irteera: 13:24 / Helmuga: 17:21-17:41
- Abuztuak 29, osteguna. 12. etapa: Ourense – La Manzaneda, 137,5 km. Irteera: 14:19 / Helmuga: 17:22-17:40
- Abuztuak 30, ostirala. 13. etapa: Lugo – Ancares, 176 km. Irteera: 13:07 / Helmuga: 17:17-17:44
- Abuztuak 31, larunbata. 14. etapa: Villafranca del Bierzo – Villablino, 200,5 km. Irteera: 12:37 / Helmuga: 17:16-17:45
- Irailak 1, igandea. 15. etapa: Infiesto – Valgrande-Pajares (Cuitu Negru), 143 km. Irteera: 13:51 / Helmuga: 17:20-17:42
Irailak 2, astelehena. Atseden eguna
- Irailak 3, asteartea. 16. etapa: Luanco – Lagos de Covadonga, 181,5 km. Irteera: 12:59 / Helmuga: 17:18-17:45
- Irailak 4, asteazkena. 17. etapa: Arnuero – Santander, 141,5 km. Irteera: 14:18 / Helmuga: 17:22-17:40
- Irailak 5, osteguna. 18. etapa: Gasteiz – Maeztu (Izki), 179,5 km. Irteera: 13:20 / Helmuga: 17:19-17:42
- Irailak 6, ostirala. 19. etapa: Logroño – Alto Moncalvillo, 173,5 km. Irteera: 13:29 / Helmuga: 17:19-17:42
- Irailak 7, larunbata. 20. etapa: Villarcayo – Picón Blanco, 172 km. Irteera: 13:06 / Helmuga: 17:17-17:44
- Irailak 8, igandea. 21. etapa: Madril – Madril, 24,6 km erlojupekoa. Irteera: 16:20 / Helmuga: 19:30
