Athleticek 2-1 galdu du Italiako txapeldunen aurka, bi tanto goiztiar jasota
Lehia gogorra zuten lehoiek Amos French Cupeko finalean. Zazpigarren edizioan, nazioarteko torneoa AS Romak irabazi zuen, Athletici 2-1 irabazita, bi zati ezberdin izan zituen partida batean. Zurigorriek bigarren zatian maila igo zuten, eta norgehiagoka berdintzeko zorian egon ziren, zutoinagatik izan ez balitz.
Italiarrek nagusitasun argia izan zuten hasieran, eta lehen minutuan Giuglianoren bitartez gola egin zuten. Ia partidan sartu ere egin gabe zirela jaso zuen lehen kolpe hori Athletic-ek eta bigarrena 25. minutuan heldu zen baita ere Erromako erdilariaren bitartez. Zugastik bi saiakera egin zituen Athletic markagailuan hurbiltzeko, baina Erromaren eta Bilboren artean tarte handiegia zegoen.
Nahikarik, erromatarren atzelarien opari bat aprobetxatuz, distantziak murriztu zituen 50. minutuan. Giuglianok, bitartean, bere hat-trick-aren bila jarraitzen zuen. Athletic baloi gehixeago izaten hasi zen, eta Nevadok jokaldi bikain bat bukatu zuen, baina bere jaurtiketa gora joan zen. Quiñones, bere aldetik, hainbat ekintza erabakigarri eteten taldeari eutsi ahal izateko. Zurigorriak in crescendo zihoazen, eta Pinedok, 70. minutuan, beste aukera on bat izan zuen David Aznarrek hanka freskoak sartzeko aulkia mugitu aurretik.
Lehoiek aurkariaren zelaian bukatu zuten AS Romaren aurkako partida, bigarren taldeko jokalari asko zelaian zeudela. Horietako batek, Estefak, finala penaltietara bidaltzeko aukera izan zuen azken txanpan baina zutoinera bota zuen baloia.
Esperientzia handia egunotan EH Kopan soilik pentsatzen duen Athletic-entzat. Asteazkenean Osasunari irabazi beharko diote Realaren aurka finala jokatzeko txartela lortzeko, irailaren 1ean.
