Deportivo Alaves eta Atletico Madril akordio batera iritsi dira Santiago Mouriñoren fitxaketarako. Jokalariak bost urteko kontratua sinatu du entitate gasteiztarrarekin.
22 urterekin, Alvaro Santiago Mouriño Gonzalezek (Montevideo, 2002ko otsailaren 13an) badaki zer den maila gorenean lehiatzea. Gazte uruguaitarrak 14 neurketa jokatu ditu bere herrialdeko lehen mailan, Montevideoko Racingekin, eta Marcelo Bielsaren deia jaso du Uruguaiko selekzio absolutuarekin parte hartzeko.
Mouriño 2023an iritsi zen Atletico Madrilera, eta uda horretan Simeoneren aginduetara egin zuen denboraldiaurrea. 2023/24aren hasieran, talde koltxoneroak Real Zaragozari utzi zion, non 29 neurketa jokatu zituen Kopa eta Ligaren artean, gol bat sartuz.
1,86ko garaiera duen erdiko atzelari bikain bat iritsi da Mendizorrotzara, LaLiga EA Sports-en debuta egin eta maila gorenean lehiatzeko helburuarekin.
