Deialdia joan den irailaren 21ean azterketara aurkeztu ziren 200 pertsonei zuzenduta dago. Proba urriaren 19an izango da, Clara Campoamorren, 11:00etan. Azterketak test motako 15 galdera izango ditu, eta 18 minutuko iraupena izango du.
Barakaldoko Udalak liburuzainen LEPa errepikatuko du urriaren 19an. Joan den irailaren 21ean BECen egindako azterketa berrikusi ondoren, lehenengo ariketaren B zatiko 1etik 15era bitarteko galderak baliogabetzea erabaki da, ez baitator bat probaren oinarri espezifikoetan adierazitako gai-zerrendarekin. Horrela, BECen azterketa egin zuten 200 pertsonak berriro proba egitera deitu dira, kasu honetan Clara Campoamorreko Gizarte Etxean.
Proba 11:00etan hasiko da eta 18 minutuko iraupena izango du. Deialdi berri honetan test motako 15 galdera egingo dira, oinarrietan adierazitako gai-zerrendako zati espezifikoari buruzkoak, oposizio-faseko lehen ariketako B zatia gauzatzeari dagokionez.
Hilaren 21ean BECen egindako ariketaren B zatia osatu zuten gainerako galderak mantendu egingo dira (16tik 25era, biak barne), deuseztagarritasunik ez dagoelako, oinarrietan xedatutakoarekin bat datozelako.
