Eusko Jaurlaritzako Elikadura, Landa Garapen, Nekazaritza eta Arrantza Saileko Jorge Garbisu zuzendaria eta Ioseba Terreros Nekazaritza eta Abeltzaintzako, Landaren eta Itsasertzaren Garapeneko eta Europar Politiketako zuzendariak Gernikako Urriko Azken Asteleheneko Azokan izan dira. 241 posturekin, babarrunen uzta murriztu eta garestitu duten euriteek eragina izan dute euren eskaintzan.
Gernikako babarrun kiloa, goizean goiz, 20 eurotan zegoen posturen batean, iaz 18 eurotan eskaintzen zenean. Ekoizleak bat etorri dira eguraldi txarrak bi heren murriztu eta produktu hori garestitu duelako, txitxirioak, dilistak eta babarrunak bezala.
Baratzeko produktuak eskaintzen dituzten postuekin batera, artisautzako produktuak saltzen dituzten beste 54 postu daude azokan. Lehiaketa batek barazki, landare, fruta, txakolin, ezti eta gazta posturik onenak sarituko ditu. Halaber, gaur zesta punta txapelketako finala jokatuko da, Beaskoetxea-Lopez eta Goikoetxea-Inza bikoteen artean.
