Gaur egun, konpainien % 75ek ez dute marketin automatizatuaren errentagarritasun nahikoa lortzen. Bere konplexutasun-maila da enpresei beren salmentetarako estrategia mota hori ezartzea eragozten dien oztoporik handiena. ‘Gap’ hori gainditzeko eta konpainiei kalitatezko lead-ak sortzen laguntzeko, Neety startupak IAn oinarritutako plataforma teknologiko bat garatu du, enpresei ahalegin gutxiago erabiliz gehiago saltzeko aukera ematen diena.
“Marketina automatizatzeko tresna indartsu bat eskaintzen dugu, kanpainak arintzeko, bezero potentzialak elikatzeko eta bihurketak bultzatzeko“, zehaztu dute startupetik.
Neetyren proposamenak Adimen Artifizialak eta teknologiak eskaintzen dituzten abangoardiako gaitasunak aprobetxatu nahi ditu, “leaden lorpen adimentsuagoa eta eraginkorragoa” izan dadin. “Ez gara enpresa teknologiko arrunt bat. Sektorea iraultzeko eta negozio-aukerak sortu eta elikatzeko modua eraldatzeko prestatuta dagoen tresna bat sortzen lan egin dugu“, nabarmendu dute sustatzaileek.
Neetyk asmatutako plataformak eskaintzen dituen abantailen artean, tresnak beste app batzuekin integratzeko duen gaitasuna nabarmentzen da. “Ehunka eta ehunka aplikazio integratu ditzakeen plataforma bat garatu dugu“, azpimarratu dute. Prestazio horri ekintzak automatizatzeko aukera mugagabea gehitzen zaio, bai eta horien programazio erraza ere. “Ez du programazio ezagutza handirik behar, eta edozein lan-fluxu automatizatu sor daitekeelako modu adimentsuan” diote Neetyk.
Proiektu berritzaile honen atzean Unai Arambarri, Iker Galarza, Asier Olaizola eta Iker Villona ekintzaileak daude. “Gure soluzioa edozein beharrizanetara egokitzen da, IAn oinarritutako teknologiari esker” nabarmendu dute eta ildo horretan, bere plataforma beren “bezeroen automatizazio-beharretara erabat egokituta eta pertsonalizatuta dagoela” adierazi dute.
info+: www.neety.io
