- Mikel Jauregi sailburuak amaiera eman dio Estrategia Digital hedabideak urtero antolatzen duen «Estrategia Topagunea 2024» ekitaldiari.
- «Guztion eginkizuna da ilusio kolektiboa sortzea eta gure ekonomia-sarearen eta, zehazki, gure industriaren jarduera ezagutaraztea», azpimarratu du Jauregik.
Mikel Jauregi sailburuak amaiera eman dio Estrategia Digital hedabideak antolatzen duen «Estrategia Topagunea 2024» ekitaldiari. Bere hitzaldian «Euskadiko ekintzaile eta enpresarien figurari prestigioa emateak duen garrantzia» nabarmendu du. Halaber, Estrategia Empresarial izeneko argitalpenaren ibilbidea nabarmendu du, «egunero herrialde honetako enpresei buruzko berri eraikitzaileak eta positiboak argitaratuz» hiru hamarkada baino gehiago baitaramatza.
«Guztion eginkizuna da ilusio kolektiboa sortzea eta gure ekonomia-sarearen eta, zehazki, gure industriaren jarduera ezagutaraztea», nabarmendu du Jauregik. «Herrialde batez ere industriala gara, eta badakigu industria egitea herrialdea egitea dela. Industriak kalitatezko enplegua eta aberastasuna sortzea esan nahi du, eta, azken finean, ongizate-maila handia izatea».
«Baikorrak gara eta etorkizunari ilusioz begiratzen diogu. Umiltasunez baina anbizioz egiten dugu lan. Une historiko baten aurrean, ziur gaude gure herrialdea prest dagoela aldaketak gidatzeko. Industria-egitura bat dugu, ekonomia- eta enpresa-sare bat, eta etorkizunari begiratzen dion gizartea. Lana dugu aurretik, bai, baina baita ideia argiak eta nora iritsi nahi dugun jakiteko gaitasuna ere», esan du Mikel Jauregi sailburuak.
