Giuseppe Bergomik, 2024ko One Club Manak , eta Maria Gstöttnerrek, 2024ko One Club Womanak, publikoari irekitako prentsaurrekoa eskainiko dute, asteazken honetan 11:30ean
San Mameseko Geuria! Sports Bar-en One Club Award 2024ko irabazleen prentsaurrekoa egingo da asteazken honetan, abenduak 4, 11:30ean; aurtengo edizioko OCM-a Giuseppe Bergomi eta OCW-a, Maria Gstöttner dira. Milango FC Internazionaleko eta USV Neulengbach taldeko bi izen handiko jokalari hauek Real Madriden aurkako partidaren atarikoan euren sariak jasotzeko ekitaldia, zalantzarik gabe, neurketaz bestelako eguneko ekitaldi erakargarrienetakoa izango da.
150 bazkidek eta 50 Club Athleticeko kidek ekitaldia zuzen-zuzenean ikusi ahal izango dute Geuria!-n hurrengo formularioan izena emanez, pertsona bakoitzeko gehienez bi gonbidapenekin, lokalean baimendutako gehieneko edukiera dela eta, pertsona horien sarbidea bermatzeko.
Geuria! Sports Bar zelaiko 13. atearen ondoan dago kokatuta, eta One Club Award ekitaldira bertaratzeko nahikoa izango da izen-emateko egiaztagiria aurkeztea. Ziurtagiria posta elektroniko bidez bidaliko da inskripzioan adierazitako helbidera.
