- 2026ko ekainaren 30era arte; 925.641 euroko dirulaguntza
- Bioekonomiako proiektua zailtasun demografiko bereziak dituzten udalerrietan, garapen ekonomiko eta soziala sustatzeko
Gobernu Kontseiluak 2026ko ekainaren 30era arte luzatu du Hazi Fundazioari Europar Batasunaren Next Generation planak finantzatutako suspertze, eraldaketa eta erresilientzia planaren esparruan hainbat proiektu gauzatzeko emandako zuzeneko dirulaguntzaren barruan jasotako jarduketak gauzatzeko gehieneko epea.
Gobernu Kontseiluak erabaki du aldatzea Gobernu Kontseiluaren 2023ko abenduaren 5eko erabakiaren “mugarriak eta helburuak” erreferentzia. Erabaki horren bidez, Hazi Fundazioari 925.641 euroko zuzeneko dirulaguntza eman zitzaion, zailtasun demografiko bereziak dituzten udalerrietan, garapen ekonomiko eta soziala sustatzeko, garatu beharreko bioekonomiako proiektua gauzatzeko.
Dirulaguntza hori basoen kudeaketa jasangarriari dagokion inbertsioan sartuta zegoen, eta jarduketak gauzatzeko gehieneko epea 2026ko maiatzaren 31ra arte aurreikusten zuen, eta orain 2026ko ekainaren 30ean amaituko da.
Erronka Demografikoaren Biltzar Sektorialaren 2024ko urtarrilaren 17ko erabakiak, Suspertze, Eraldatze eta Erresilientzia Planaren esparruan, zailtasun demografiko bereziak dituzten udalerrietan garapen ekonomiko eta soziala suspertuko duten bioekonomiako jarduerak finantzatzeko esleitutako kredituak banatzeko irizpideak eta lankidetzarako esparru orokorra ezartzen dituen erabakiari buruzko alderdi jakinak aldatzen eta eguneratzen dituenak, jarduketak gauzatzeko epea luzatu du, eta, beranduenez jota, 2026ko ekainaren 30ean amaitu beharko dira.
Hori dela eta, aldatu egin da alderdi hori, Erabakiak ezartzen duen bezala, honako hau kontuan hartuta: “jarduerak amaitzeko datak aukera eman behar du eskatutako informazioa eta froga dokumentalak bidaltzeko eta SEEPen sartzeko, bai eta helburuak betetzen direla egiaztatzeko eta ziurtatzeko behar den dokumentazioa bidaltzeko eta osorik sartzeko ere, eta kontuan hartuko da, beraz, organo eskudunak mugarria edo helburua bete dela egiaztatzeko eta justifikatzeko gaitasuna duela ziurtatzeko behar den denbora”.
