Hezkuntza Sailak azpimarratu duenez, prest dago negoziazio-bideak irekita mantentzeko eta euskal hezkuntza-sistema publikoa indartzeaz aritzeak dakarren «seriotasunez eta zorroztasunez» lan egiten jarraitzeko.
Hezkuntza Sailak negoziazio-mahaia deitu zuen atzo, akordio arautzaile berri bat sinatzeko. Irakasleen lan-baldintzen hobekuntzak birplanteatu dira aste honetan bertan, sindikatuek egindako eskakizunak entzun ondoren.
Zabalik egon dira komunikazio bideak eta negoziazioak sindikatuetako ordezkariekin etengabe. Izan ere, Hezkuntza Sailak, gaur egun, akordioa lortzeko borondateari eusten dio, negoziazioetan aurrerapenak lortzeko bidean.
Hezkuntza Saileko Administrazio eta Zerbitzuen sailburuorde Blanca Guerrerok Hezkuntza Sailaren negoziatzeko borondate «zintzoa» azpimarratu du, eta azpimarratu du akordioak lor daitezkeela «sistema hobetzeko eta emaitza onak bermatzeko helburu komunari eusten badiogu». «Egoerak eskatzen duen seriotasun eta zorroztasunarekin ari gara lanean, kontuan hartuta profesionalen lan-baldintzez gain, euskal hezkuntza-sistemaren hobekuntzaz ere ari garela» baita ikasleei ikasteko eta garapen akademikorako baldintzarik onenak eskaintzeaz.
Akordiorik gabe, aurrerapausoak izan diren arren
Mahai gainean ipinitako proposamen berriek ordainsari-igoera aurrikusten dute tutoretza, ziklo-koordinazio eta departamentu-buruzagitzako eginkizunak betetzen dituzten irakasleentzat, bai eta berrikuntzaz, aholkularitzaz eta orientazioaz arduratzen diren langileentzat ere.
Lan-karga murrizteko neurriak ere proposatu dira, hala nola haur eta lehen hezkuntzako langileen eskola-orduak 21 ordura murriztea. Proposamenak burokratizazio-plan bat ere jasotzen du, irakaskuntza-lanaren zeregin osagarriak murrizteko.
Bitarteko langileentzat, funtzionarioek dituzten baldintza berdinak aplikatzea proposatzen da baita beste neurri batzuk ere; besteak beste: udako ordainketa berreskuratzea, berrogeita hamabost urtetik aurrera jarraitzeko plana eta Lanbide Heziketako teknikarien kidegoko bitarteko langileen etorkizun profesionala ziurtatzeko proposamena. Testu berriak, halaber, lan-osasuna jorratzen du, osasun-arrazoiengatik lanpostua egokitzeko eta aldatzeko protokoloekin, bai eta behin-behinekotasuna % 5era murrizteko lan-eskaintza publikoak egitea ere, irakasle taldeak egonkorragoak izan daitezen.
