IRIS Berrikuntza Digitaleko Poloa, Nafarroako Gobernuak sustatu eta gidatzen duena, berrikuntza eta digitalizazioaren arloan eskualdearen ezagutza guztia biltzen duen zentroa da, eta enpresa-sarearen eta Nafarroako gizartearen eraldaketa digitala bultzatuko duen «leihatila bakarra» izango da. Horretarako, Foru Komunitateko berrikuntza-ekosistemako 40 erakunde publiko-pribatu garrantzitsuenen partaidetza du.
