Mikel Jauregi Eusko Jaurlaritzako Industria, Trantsizio Energetiko eta Jasangarritasuneko sailburuak lan-gosaria egin du Confebaskeko zuzendaritzarekin eta haren kontseilu nagusiko enpresa-lider askorekin. Harekin batera izan dira Tamara Yagüe Confebaskeko presidentea, Eduardo Arechaga Confebaskeko zuzendari nagusia, Andoitz Korta Industria Sustapeneko sailburuordea eta Irantzu Allende Trantsizio Energetikoko sailburuordea.
Bilera horretan, Eusko Jaurlaritzak enpresa- eta industria-arloan finkatu dituen ekintza-ildo nagusiak aurkeztu ditu sailburuak, eta bertatik bertara entzun ahal izan ditu Euskal Autonomia Erkidegoko enpresek ziurgabetasun ekonomiko orokorreko egungo egoera honetan dituzten aukerak eta erronkak. Bilera hori Industriaren Defentsarako Taldeak enpresekin ezarritako entzute aktiboko prozesuaren barruan kokatzen da —talde hori joan den otsailean eratu zen eta Confebaskek parte hartzen du taldean—.
