Udalak adineko pertsona kalteberentzako eguneko arreta-zerbitzua eskuratzeko, emateko eta batera finantzatzeko baldintzei buruzko araudi berriari ekarpenak egiteko epea ireki du. 2021eko otsailaren 4ra arte egin ahal izango dira ekarpenak, udalaren webgunearen bidez.
Helburua
Arauaren helburu nagusiak zerbitzua eta haren helburuak definitzea, eta funtsezko alderdiak arautzea dira, hala nola:
- Zerbitzutik kanpo utzitako prestazioak
- Erabiltzaileen eskubideak eta betebeharrak
- Zerbitzua eskuratzeko baldintzak eta eskuratzeko prozedura
- Zerbitzua etetea eta azkentzea
- Araubide ekonomikoa
Zerbitzu egonkortua
Donostiako Udala 2013 urtetik ari da zerbitzua eskaintzen, eta egun egonkortua dago. Halere, orain arte baldintza-agirietan jaso da informazio guztia, eta egun, arau independente batean arautu behar da. Bertan udalaren eta zerbitzuaren erabiltzaileen arteko harremana arautzen ditu, izan ere, zerbitzuaren enpresa esleipendunaren eskubideak eta betebeharrak jasotzen dituzten kontratu-dokumentuak dira.
Erregelamendu honekin zerbitzua arautu nahi da, Gizarte Zerbitzuei buruzko abenduaren 5eko 12/2008 Legeak ezartzen duena betez, eta honela zerbitzua zeinek erabil dezakeen eta zein baldintzatan finkatzeko.
