Idoia Mendia Lehendakariorde eta Lan eta Enplegu sailburuak adierazi duenez, erakundeek, eragile sozialek eta ekonomikoek «kalitatezko enpleguaren helburu partekatua lortzeko betebeharra dugu».
El Correo egunkariak antolatutako Lan 2021 Enplegu Jardunaldietan parte hartu du Mendiak. Jardunaldi horietan, ‘Enplegua eta erakundeen zeregina’ izenburupean, horiek kalitatezko enplegua sustatzeko duten zereginaz hitz egin du. Berarekin batera, Emilia Malaga Euskadiko Ekonomia eta Gizarte Arazoetarako Batzordeko presidentea, Susana Gonzalez Rómulo Bizkaiko Foru Aldundiko Enplegu zuzendaria eta Xabier Otxandiano Bilboko Udaleko Garapen Ekonomiko, Merkataritza eta Enplegu zinegotzia izan dira.
Bere ustez, «Kalitatezko enpleguarekin partekatutako helburu bat lortzeko betebeharra dugu. Eragile sozial eta ekonomikoekin eta erakunde guztiekin, eraginkorrak izateko «. Ildo horretan, Euskadin «erronka digitalei, energetikoei eta demografikoei aurre egiteko prest dagoen ekoizpen-sarea dugu. Eta Lan eta Enplegu Sailean baditugu proiektuak zainketen ekonomian, zirkularrean, gazteen enpleguarekin eta Lanbideren eraldaketarekin». Lanbideri dagokionez, «Enpresen beharrei eta langileen prestakuntzari buruzko informazioa denbora errealean izatea nahi dugu», beraz, bulego birtuala irekiko dute aurten.
