Adierazle ekonomiko garrantzitsuenen asteko laburpenak kanpora begiratzen du, eurogunera. Hain zuzen ere, espazio komun horretan sentimendu ekonomikoa hobetzea du helburu, ekainean 117,9 puntura iritsi baitzen UEren kasuan. Balio horrek baikortasun handia eragiten du ekonomia osoan.
Bigarrenik, maiatzean 1.505 hipoteka sinatu ziren, 2020an baino % 23,3 gehiago. Zifrarik handiena da 2012tik.
Azkenik, asteko laburpen honek txikizkako merkataritzaren okupazioa jasotzen du, eta horrek indar handiz egiten du gora. INEren arabera, sektore horretako enplegua % 2,7 hobetu zen aurreko urtearekin alderatuta. Horri esker, jarduera horrek 2019an zuen enplegu-maila ia berreskuratu da.
Asteroko laburpen hau, “Astekonomia” izena duena, Ekonomia Zuzendaritzak egiten du, eta gutxi gorabehera minutu bateko iraupena duten bideo hauen oinarria da. Horrela, Ekonomia eta Ogasun Sailak mota honetako edukiak hedatzeko modu berri bat jarri du martxan. Helburua edukion irismena zabaltzea da; kasu honetan, ikus-entzunezko formatuan. Bideo hauek Sail honek sare sozialetan dituen profiletan partekatzen dira (Instagram, Lindekin, Youtube eta Twitter, batez ere), baita Irekian ere.
