Donostiako Udalak, hirian izurriteak kontrolatzeaz arduratzen den Lokímica enpresaren bitartez, «Aedes Japonicus» eltxoaren presentzia antzeman du, pertsonengan ziztada gogaikarriak eragin ditzakeen espezie inbaditzailea.
«Duela hilabete inguru, hiriko hainbat gunetan (bereziki, hezeguneetan eta ibaiertzetan) zenbait arbitro jarri ziren tigrearen presentzia zehazteko», adierazi du Marisol Garmendia Osasun zinegotziak.
Arbitroetan jarritako laginak jasota, larbak hauteman dira lagin-guneetako batean, Aedes Japonicus eltxo espeziearekin bateragarriak. Larbak laborategira eraman ziren eta eklosiora arte hazi ziren, ondoren teknika estereotiomikroskopikoen bidez identifikatuz.
Oso hiritarra ez den eltxo bat da, normalean landa-eremuekin lotuta dagoena, egunean zehar ziztadak eragin ditzakeena eta ur-metaketa txikietan ugaltzen dena; gizakiak eskaintzen dion ia edozein objektuk haztegi gisa balio diezaioke. Bere ziztada, beste eltxo autoktono batzuena baino alergenikoagoa izan daiteke, eta izaera birikoa duten gaixotasun batzuen transmisioan inplikatua egon daiteke, Mendebaldeko Niloko sukarra kasu, baina ez gaude arrisku egoera batean, zonaldearen ezaugarri ekologikoengatik eta eltxo honen populazio baxuagatik.
Herritarrei eskatzen zaie beharrezko prebentzio-neurriak har ditzatela eltxo horren hazkuntza potentziala minimizatzeko, ura metatzen duten objektu irekirik ez edukitzeko, edo ur hori 2 edo 3 egunean behin berritzeko, eltxorik egonez gero larba-zikloa mozteko. Ziztadak ohikoak ez badira edo intsektu pikatzaileren bat hautematen bada, jar zaitezte harremanetan Udaleko Osasun Publikoko eta Animalien Ongizateko Zerbitzuarekin.
