Donostiako Udaleko Hiri Mantentze Sailak Altza auzoko Ermita bidean dagoen zoladura berrituko du datozen egunetan.
Miguel Angel Diez Hiri Mantenimenduko zinegotziak adierazi duenez, «malda handiko bidea da, baina egunero herritar askok erabiltzen dute joan-etorriak egiteko. Bidearen azken zatiak arazoak izaten ditu aldapa handia duelako, eta irristadak eragiten ditu zoladura bustita dagoen euri egunetan. Bere garaian, baranda bat jarri eta baldosa produktu irristagaitz batekin busti zen, eta sarritan, agertzen den eta irristatzen laguntzen duen berdexka garbitzeari ekin zitzaion».
Zoladura berri bat bilatu ondoren, Murtziako enpresa batean molde bat aurkitu dute, Astigarragako tailer batean erliebe laukizuzen eta karratu dezente dituzten baldosak egiteko aukera emango duena. Baldosek ezbehar horiek saihesten dituzte, euri-ura hobeto ibil dadin eta oinetakoen zolekin helduleku handiagoa egin dadin.
Ermita bidearen azken zatian, Herrera pasealekuarekin bat egiten duen zatian, jarriko dituzte baldosa horiek, Diezen hitzetan.
