Kultura eta Hizkuntza Politika Sailaren ekimenez, Gobernu Kontseiluak gaur goizean onartu du Euskadiko Zinema Aretoen Elkarteari (EZAE) 400.000 euroko zuzeneko diru-laguntza ematea, «Zinemazale Berriak» programa abian jarri eta garatzeko; «Zinemazale Berriak» ekimenak haurrentzako euskarazko zinema eskainiko du 12 astez, igande goizetan, ikusleak zinema-aretoetara joatea sustatu, zine-aretoek espazio seguru gisa duten balioa indartuz eta, aldi berean, publiko berrien sorkuntza eta fidelizazioa bultzatzeko helburuarekin.
2020ko martxoaz geroztik, hilabete hauetan guztietan COVID19aren pandemiak eragin duen gizarte-larrialdiko egoeran zinema-aretoetako asistentzia % 66 murriztu da, 2019ko datuekin alderatuta, eta horrek galera ekonomiko larriak ekarri ditu.
