Elxen aurka debutatu ondoren, Julen Agirrezabala azken 50 urteetan LaLigako partida bat jokatzen duen Athleticeko laugarren atezain gazteena bilakatu da, 20 urte, 7 hilabete eta 21 egunekin. Martinez Valero estadioan estreinatuz, XXI mendeko goiztiarrena ere bihurtu da, 1971tik Athletic Cluben aurka jokatu duten 23 atezainen zerrendara batuz.
Ligako Athleticen atezain goiztiarrena Jose Angel Iribar da, Klub zuri-gorriaren jokalari mitikoetako bat. Txopok 1962ko irailaren 23an egin zuen debuta ligan, bigarren jardunaldian, Malaga CFren aurka. Partida horretan, 19 urte, 6 hilabete, 23 egun zituela zelairatu zen jokalari zarauztarra.
Sailkapeneko bigarren postuan Andoni Zubizarreta dago. Gasteizen jaiotako jokalariak 1981eko irailaren 19an egin zuen debuta Atletico Madrilen aurka erregulartasunaren txapelketan, 19 urte, 10 hilabete eta 24 egun zituela.
Hirugarren postuan Kike Burgos Barakaldoko atezaina dago, 1991ko martxoaren 16an debuta egin baitzuen, CD Castellonen aurka, 26. jardunaldian, 20 urte, hilabete eta 25 egun zituenean. Agirrezabala Donostian jaio zen 2000. urteko abenduaren 26an, eta martxoan berritu zuen kontratua 2025era arte. Laugarren postuan dago taulan.
1971tik LaLigako partidaren bat jokatu zuten atezainak (debuteko adinaren arabera ordenatuta):
- Iribar 19 urte, 6 hilabete eta 23 egun
- Zubizarreta 19 urte, 10 hilabete eta 24 egun
- Kike Burgos 20 urte, 1 hilabete eta 25 egun
- Agirrezabala 20 urte, 7 hilabete eta 21 egun
- Pampín 20 urte, 10 hilabete eta 16 egun
- Valencia 20 urte, 11 hilabete eta 18 egun
- Simon 21 urte, 2 hilabete eta 4 egun
- Aranzubia 21 urte, 8 hilabete eta 21 egun
- Aizkorreta 21 urte, 9 hilabete eta 26 egun
- Kepa 21 urte, 11 hilabete eta 8 egun
- Jose Manuel Zamora 22 urte, 9 hilabete eta 30 egun
- Zaldua 23 urte eta 5 egun
- Raúl Fernández 23 urte, 1 hilabete eta 3 egun
- Imanol 23 urte, 10 hilabete eta 8 egun
- Lafuente 23 urte, 11 hilabete eta 21 egun
- Agirreoa 24 urte, 4 hilabete eta 21 egun
- Patxi Iru 24 urte, 8 hilabete eta 2 egun
- Ezkieta 24 urte, 9 hilabete eta 5 egun
- Marro 24 urte, 11 hilabete eta 12 egun
- Herrerín 25 urte, 6 hilabete eta 25 egun
- Iraizoz 26 urte, 6 hilabete eta 20 egun
- Biurrun 26 urte, 11 hilabete eta 29 egun
- Armando 37 urte eta 16 egun
