Donostiako Udalak, Osasun Publikoko Departamentuaren bitartez, tigre eltxoa zaintzeko plana indartu du, eta udan zehar baieztatu dute bertan dagoela.
Marisol Garmendia Osasun Publikoko zinegotziak adierazi duenez, «2021. urte honetan 17 laginketa-gune jarri dira udalerri osoan banatuta eta arbitroz hornituta, eltxo inbaditzaile horren aurrerapena monitorizatzeko. Penintsulan intsektu horren presentziak behera egin duela dirudien arren, Donostiako ohiko udak posible egin du intsektu hori hiriko hainbat tokitan egotea, eta, horrela, udalerrian aurrera egin duela baieztatu da «.
Zehazki, tigre eltxoaren arrautzak aurkitu dituzte Berioko autokarabanen aparkalekuan (2018an izan zen Donostian eltxo hori aurkitu zuten lehen tokia) Almortza kalean, hipodromoaren inguruan, Zubietako garraio-zentroan eta Alkolea kalean.
«Bere existentziaren berri dugunean, bere hedapena saihesteko jarduten da. Alkolea kalean, bizi direnei idazki bat eta triptiko bat bidali dizkiegu, eltxoari buruzko informazioa, hartu beharreko neurriak eta telefonoz deitzeko», adierazi du Garmendiak.
