Tokiko Gobernu Batzordeak onartu du Ekinbide Donostiako Suhiltzaileak elkartea GGKE – Bomberos Donostia ONGD irabazi asmorik gabeko erakundeari dohainik lagatzea suteak itzaltzeko den (Hiri-bonba arina) Iveco bilgailuaren jabetza, erreparatu eta zerbitzuan jarri eta ondoren “Bafatá Proiektua”-ren baitan Guinea-Bissaura eramateko, garapen bidean dauden herrien beharrei erantzuteko helburuarekin.
Haur parkeak
Tokiko Gobernu Batzordeak onartu du Electro Talleres Zarauz SA-ri esleitzea Donostiako lau haur parkeren haur-jokoak eta zoladura jarraitua hornitzeko kontratuko hurrengo loteak:
- 1. Lotea: Nafarroa Beherea plaza – 32.313 euro
- 2. Lotea: Baldomero Anabitarte plaza – 29.115 euro
- 4. Lotea: Atsedenetxe – Alice Gulick – 53.861 euro
Halaber, Montajes Garra SL-ri kontratu bereko hurrengo lotea esleitu zaio:
- 3. Lotea: Azkoitia plaza – 23.695 euro
Lau loteak egiteko epea 3 hilabetekoa da.
Emakumeen Gune Interkulturala
Tokiko Gobernu Batzordeak onartu du Careers & Jobs, SL-ri esleitzea Emakumeen Etxeko «Emakumeen Gune Interkulturala” dinamizatu eta kudeatzeko zerbitzuaren kontratua. Kontratua gauzatzeko epea urtebetekoa da, 2022ko urtarrilaren 17tik aurrera, eta bi luzapen izan ditzake, gehienez ere urtebetekoak.
Emakume migratzaileen ahalduntze-prozesuak abian jartzea bilatzen duen zerbitzu bat eskainiko da, astero saio-gune bat sortuz, kulturarteko berdintasun-printzipioetatik, aniztasunaren aitorpenetik eta elkarreraginetik abiatuta, emakumeei beren errealitateak eta bizipenak partekatzen laguntzeko eta irtenbide kolektiboak bilatzen saiatzeko, zailtasunetatik ikasiz eta banakako eta taldeko lorpenak sozializatuz.
Dinamizazio zerbitzu hau astean bi orduz eskeiniko da urtarrileko hirugarren astetik ekaineko azkenekora eta iraileko hirugarren astetik abenduko hirugarren astera Emakumeen Etxean (Okendo, 9).
