Beatriz Artolazabal Berdintasun, Justizia eta Gizarte Politiketako Sailburuak eta Gotzone Sagarduy Osasun Sailburuak Gasteizko Udalak antolatutako Dedicatum Gasteiz omenaldian parte hartu dute gaur arratsaldean, pandemiari aurre egiteko denbora eta ahalegina eskaini duten kolektibo eta pertsona guztien lana eskertzeko.
Covid-ak eragindako hildakoen oroitzapena eta pultsua ahalik eta azkarren berreskuratzeko zuhurtziaz jokatzeko deia izan dira ekitaldiaren ardatza, eta gizarte-sektore aitortuetako 400 pertsona baino gehiago izan dira.
Dedicatum Gasteiz da Gasteizek pandemia hasi zenetik, 2020ko martxoan, bere ondorioen aurka ahalik eta gehien inplikatu ziren kolektibo eta pertsona guztiei egiten dien omenaldia. Minutu bateko isilunea egin ondoren, birusagatik familien maitasuna eta laguntza jaso gabe hil ziren pertsonak aipatu dituzte.
Lara Vizuete abeslaria pianoan, Ernesto Larcher kontrabaxuarekin eta Rakel Rodríguez de Arymux signodantzarekin batera, gogoetarako eta alaitasunerako uneak eskaini dituzte. Ainhoa Larrañaga aurkezle, abeslari eta aktoreak ere lagundu du horretan, ekitaldiaren une bizietako batean abesti bat interpretatuz. Poesiak kutsu intimoa eman dio ekintza inklusibo bati.
