Ostiralean haurren danborradarekin hartutako erabakiaren ostean, gaur bildu dira helduen danborrada antolatzen duten eragileak, eta hori ere bertan behara uztea erabaki dute. Iritzi eta ekarpen ezberdinak entzun ostean hartu dute erabakia, pena handiz eta adostasunez.
2020an, azken aldiz helduen danborrada egin zenean, 30 taldetan banatuta, 1.500 danborjoletik gora izan ziren sansebastian bezperan, herriko kaleetan. Horiez gain, ehundaka herritar izaten dira urtez urte kale ertzetan danborjoleak animatzen eta festaz gozatzen. LABIk kanpoko ekintzetan bildu daitekeen 800 pertsonako muga erraz gainditzen da ekintza horretan. Beraz, ezinezkoa da danborrada egitea. Talde zein udalaren nahia hasieratik danborrada antolatzea izan da; baina osasun egoerak eta arauek ezinezko egin dute azkenean. Gaur agitaratutako datuen arabera, azken 14 egunetako 100.000 biztanleko inzidentzia tasa 9.119koa da; eta epe horretan bertan 1.388 izan dira positibo emandako herritarrak.
Erabakia zaila izan da, baina osasuna lehenetsi eta arduraz jokatzeko hautua egin da. Beraz, sansebastianak bertan behera gelditu dira eta ez da inolako ekintzarik antolatuko.
