Segurtasun Sailak Bilboko Instrukzio Epaitegiaren auto baten bidez izan du gertaeren berri.Azaltzen diren gertaerak 2021eko ekainekoak diren arren, gertatutakoa deskribatzen duen auto judiziala joan den asteazkenean, 2022ko otsailaren 09an, jaso zen.
Joan den astean, Segurtasun Sailak jakinarazpen judizial hori jaso zuenean, berehala jakinarazi zion Ertzaintzako Barne Arazoetarako Zerbitzuari, ikerketari hasiera eman ziezaion.
Autoan aipatzen dira grabazio batean ikusitako gertaerak, eta grabazioa aipatu eta deskribatzen da, baina ez da erantsi.Ordutik, Segurtasun Sailak hiru aldiz eskatu dio irudien kopia Bilboko Instrukzio Epaitegiari, baina ezin izan du lortu.
Segurtasun Sailak adierazten du Ertzaintzako agenteentzat errugabetasun-presuntzioaren oinarrizko printzipioa errespetatzen duela, eta gertaerak argitzeko eta, hala badagokio, erantzukizunak argitzeko ireki berri den ikerketa judizialaren denborak ere errespetatzen dituela.
Segurtasuna Saila ikerketa judizialaren esanetara jartzen da azaldutako gertaerak erabat argitzeko.Era berean, polizia-jarduketa guztiek jarraitu behar duten proportzionaltasun-printzipioaren aldeko konpromiso irmoa berresten du.
