Tokiko Gobernu Batzordeak onartu du Zurriola pasealekuko 41. zenbakian (Zurriola Maritimo-ZM) dagoen eraikinaren erabilera lagapena prozedura irekiaren bidez esleitzeko Administrazio Klausula Berezien Plegua, ostalaritza zerbitzuetarako (taberna-jatetxea) eta/edo jarduera nautikoekin lotutako prestakuntza ikastaroak emateko eta biltegirako.
Eneko Goia alkateak azpimarratu duenez, “albiste bikaina da denbora gehiegi geldirik zeraman egoera bati irtenbidea eman ahal izatea. Horri esker, donostiarrek hiriko funtsezko leku batez gozatzeko aukera izango dute”.
Lagapenaren baldintzak hauek dira:
- Eraikina bere izaeraren arabera erabili beharko da, eta taberna-jatetxe jarduerarako eta/edo jarduera nautikoekin zerikusia duten prestakuntza- eta biltegi-ikastaroak emateko baino ez da erabiliko
- Esleipendunaren kontura izango dira ondasuna helburuaren arabera erabiltzeko behar diren obrak. Obra horiek 710.000 eurotan zenbatu dira, BEZik gabe, eta horietatik Udalak gehienez 300.000 euroko ekarpena egingo du.
- Araubide ekonomikoari dagokionez, gutxieneko kanon finko bat izango da, gorantz hobetu daitekeena, 30.208 eurokoa, gehi dagokien BEZa, lagapenaren lehen 10 urteei dagokionez eta 60.000 eurokoa, gehi dagokien BEZa, hamaikagarren urtetik aurrera eta kanon aldakor bat: urteko zerga aurreko mozkinen gaineko % 4 lehenengo 10 urteetan, eta urteko zerga aurreko mozkinen gaineko % 8 hamaikagarren urtetik aurrera.
- Lagapenaren iraupena 2033ko abuztuaren 19ra artekoa izango da, eta 2042ko abuztuaren 19ra arte luzatu ahal izango da, betiere Udalak ondasuna erabilgarri badu.
Next Funtsak
Tokiko Gobernu Batzordeak onartu du iraupen luzeko zainketen arloko berrikuntza proiektu pilotua egikaritzeko emandako 246.661 euroren laguntza. Zenbateko hori azpiproiektuaren guztizkoaren (246.661 euro) %73,12 da. Azpiproiektua 2022 eta 2023 urteetan egikarituko da, eta haren ardura Gizarte Ekintzak izango du.
Arraun txapelketetarako dirulaguntza
Tokiko Gobernu Batzordeak onartu du Ur Kirolak SND-ri 125.000 euro ematea, 2022ko urriaren 27tik 31ra bitartean egingo diren 2022ko Europako Itsas Arraun Txapelketak eta Beach Sprint 2022 txapelketak antolatzeko zuzeneko dirulaguntza gisa.
Harria Parkea
Tokiko Gobernu Batzordeak onartu du Herrera pasealekua, 49-71 zenbakien artean, hobetzeko obrak kontratatzeko espedientea, Harria parkearen ondoan (Pikabea), 341.656 euroko lizitazio aurrekontuarekin eta 4 hilabeteko egikaritze epearekin.
Obra horien bidez, Herrera pasealekuan 49-71 zenbakien eta Harria parkearen artean dagoen sekzioa aldatuko da, ingurune horretako irisgarritasuna hobetzen dela bermatzeko.
Papin industrialdea
Tokiko Gobernu Batzordeak behin behineko onarpena eman dio Papin eremuaren Hiri Antolamenduko Plan Orokorraren aldaketa puntualari. Dokumentuaren funtsezko edukia eremu horretan indarrean dagoen hirigintza araubidea aldatzea da, lehendik dauden industria garapenak finkatuz. Beraz, eremuko lur guztiak erabilera indistrial tipologiako zonalde global batean sartuko dira.
Gainera, eremua birgaitu nahi da, espazio libre publikoak handituz eta urbanizazioa hobetuz. Era berean, Molinao erreka zabalduko da zerupean, eremuaren zatian.
