Bilboko Udalak antolatutako BLV – Art jaialdiaren bere XVI. edizioa itxi du asteburu honetan, Gheada Estudioren «El mejor de los mundos» erabateko estreinaldiarekin eta Quemar las Naves konpainiaren “Éramos unos niños que escuchaban música en su cuarto” estrenaldiarekin Euskadin. Biak Bilborocken egin ziren.
Raquel Durán eta Rut Brionesek sortutako Gheada konpainia Bilborocken ikusi ahal izan zen larunbatuan, apirilak 9. “El mejor de los mundos” emanaldian ikusleak zuzeneko ikus-entzunezko autorretratu baten eraikuntzaren lekuko izan ziren, eta interpretearen eta teknologiaren arteko elkarrizketa bat sortu zen, non protagonistak bere bizitzaren, bizitako esperientzien eta egungo egoeraren ebaluazioa egiten zuen, bizitzako une desberdinetan zituen itxaropenen eta errealitatearen arteko balantzea eginez. 2021ean, BilbaoEszenako “Artistak Egoitzan” programak beka eman zion proiektuari.
Quemar las Naves konpainiaren “Éramos unos niños que escuchaban música en su cuarto” kasuan, konpainiak funtzio honekin “bularreko do bat saiakuntza-lokalean proiektagailu batekin eman nahi zutela; bateria ukitu eta hautsi.”
Estreinaldi hauekin batera, BLV – ART jaialdira hurbildu ziren ikusleek Oihana Vesga Dantzaren “Altzoan altzoan esaten dit/ Bragas y Celine” dantza proposamenaz eta Carla Roisin-en pop-rock bertsioen kontzertuaz gozatu ahal izan zuten Berreginen Museoan.
BLV – ART apirilaren 1ean hasi zen, eta 9 egun hauetan zehar, 15 hitzordu ekarri ditu Bilbo Zaharrera, auzoko hainbat espaziotan arte-sorkuntzako formatu berriak erakusteko. Aurten ere, proposamen eszeniko berritzaile onenez gozatu nahi zuten pertsona guztien topagune bihurtu da.
SARE SOZIALAK
