Elkarlaneko roboten sektoreak etorkizun handia du, baina gaur egun ere garapen nabarmena izaten ari da. Adibidez, martxoaren amaieran Bartzelonan ospatutako Advanced Factories azokan, 4.0 industriarekin lotutako Estatuko garrantzitsuenetakoa, stand askotan elkarlaneko robotikako gailuak eskaintzen ziren. Horregatik, ii40Services startupa iC2M2 proiektuan lan egiten ari da, Fegemu enpresarekin eta Ceit zentro teknologikoarekin (BRTA aliantzako kidea) batera. Ekimen honek SPRI Taldearen diru-laguntza jaso du, Hazitek programaren bidez.
IC2M2 proiektuaren helburua elkarlaneko robot mugikor bat garatzea da, beste robot eta ekipo industrial batzuekin modu koordinatuan lan egiteko gai dena. Horrela, gaur egungo automatizazio-maila handitzea lortzen da, 5G komunikazio-sareen bidez. Gainera, aurrerapen horrekin, roboten eta ekipoen ikuskapen eta koordinazio soluzio bat eskaini nahi da, fabrikaren beharretara eta egoerara egokituta, eta erabat malgua den automatizazio-zerbitzu integratu bat lortuz.
Proiektuaren barruan, ii40Services enpresaren papera hurrengoa da: erabilpen-plataforma bat garatzea fabrikako ‘cobot’ eta gainerako gailuak kontrolatzeko, 5G sare baten bidez. Gainera, startupak cobotak monitorizatzeko, kontrolatzeko eta koordinatzeko funtzionalitateak inplementatzeko asmoa du, bai aurrez aurre plantan bai Internet bidez urrutitik eskuragarri izanez. Ii40Servicesentzat, proiektu honetan parte hartzeak “sektore gorakorrean presentzia izateko aukera ematen du, beharrizan eta teknologia espezifikoetan esperientzia duten aliatuen eskutik. Ikasteko aukera ere bada, partzuergo baten barruan garapen-proiektu bat elkarlanean egiten dugun lehen aldia baita”, Ibon Goikoetxea ii40Services enpresako CEOak nabarmendu duenez.
ii40Services startupak, IoT, cloud computing, machine learning, blockchain eta zibersegurtasun teknologietan oinarritutako soluzioak garatzen ditu, ekipo industrialak monitorizatzeko. Gainera, makinetako datuen balioa erabiltzen duten tresna digitalen bidez zerbitzatzeko estrategiak aplikatzen ditu.
IC2M2 proiektuarekin batera, enpresak elkarlaneko robotentzako Telemantentze Zerbitzu bat abiarazi du, robotaren fabrikatzaileari robotaren egoeraren jarraipena egiteko eta edozein gorabeheraren aurrean urrutiko eta berehalako laguntza emateko. Gainera, startupak SPRIren Bind 4.0 programan ere parte hartzen du, bere ii40Connect monitorizazio-plataforma garatzen eta sustatzen jarraitzeko xedearekin. “Elkarlaneko robotikaren sektore hau etorkizun handienetakoa da guretzat, eta etorkizunean inbertitzen jarraituko dugu”, adierazi du Ibon Goikoetxeak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Leartikerrek giza ehun bioartifizialak sortzeko gai den 3D inprimaketako gailu bat garatuko du
Euskadin eginiko segurtasun-sistemek mundu osoko eraikinen sarbideak kontrolatzen dituzte
Euskal industriak eskaerak, fakturazioa eta esportazioak doitu ditu datorren seihilekorako, Ukrainaren inbasioagatik
Bizkaiko Zientzia eta Teknologia Parkeak Zorrotzaurreko irla enpresa teknologiko eta ezagutza-intentsiboentzat berrikuntza-gune bihurtuko duen beste Campus bat izango du Bilbon
Euskadi energia berriztagarrien Europako egoitza izango da WindEurope 2022 bilgunean
