Josu Erkoreka lehendakariorde eta Segurtasuneko sailburua, Olatz Garamendi Gobernantza Publiko eta Autogobernuko sailburua, Gotzone Sagardui Osasuneko sailburua eta Pedro Azpiazu Ekonomia eta Ogasuneko sailburua Covid-19aren biktima guztiak oroitzeko eta omentzeko Bilboko Udalak antolatutako ekitaldian izan dira.
Juan Maria Aburto Bilboko alkateak eta Gotzone Sagardui Osasuneko sailburuak hitz batzuk esan ondoren, plaka bat desestali dute Kasilda Iturrizar Parkean dagoen sekuoia semprevirens baten ondoan, lekua koronabirusak eraman zituen pertsona guztiak omentzeko eta oroitzeko topagunea izan dadin.
Ekitaldian Euskadiko erakundeen eta Bilboko gizartearen ordezkari ugari izan dira, Memoriaren Txoko berri horretan lore-eskaintza egiteko.
