KPIk abenduan izan duen moderazioa da gaur hizpide nagusia Astekonomian. Asteko balantze bat adierazle ekonomiko garrantzitsuenekin, eta gaur egun ere arreta jartzen duena Euskadiko industria-ekoizpenean, azaroan, eta euskal aireportuen 2022ko balantzean.
Abenduan inflazioa % 5,4koa izan zen, azaroan erregistratutakoa baino puntu bat eta hamarren bat txikiagoa. Horrela, eta energiaren prezioen portaera onaren ondorioz, 2022 osoko daturik baxuenarekin itxi du urtea. Hala ere, azpiko inflazioaren aldakuntza-tasa ( % 6,7) indize orokorrarena baino handiagoa da, eta egoera hori ez zen gertatzen 2021eko otsailetik.
Eustaten arabera, azaroan Euskadiko industri produkzioa % 1,6 hazi zen aurreko urtearen aldean. Aldakuntza-tasa hori urrian erregistratutakoa ( % 5,1) baino txikiagoa izan zen, batez ere kontsumo-ondasunetan (%-1,3) eta energia-ekoizpenean (%-2,8) izandako jaitsierak eraginda.
2022an zehar, hegazkinez zihoazen bidaiarien kopurua 2021ekoaren bikoitza izan zen, eta sei milioi desplazamendu izan ziren. Hala ere, errekuperazio hori gorabehera, aireportuak ez dira oraindik pandemiaren aurretik erregistratutako mailara iristen.
Asteko laburpen hau, Ekonomia Zuzendaritzak «Astekonomia» izenarekin egina, minutu bateko iraupena duten bideo hauen oinarria da, gaurkotasun ekonomikoaren zabalkundea eta jarraipena errazteko.
