Ertzaintzak ikertzen jarraitzen du Urduñako udal-barrutiko baserri bati erantsitako nabe baten barruan, fardotan pilatuta, marihuana kukuluak, hiru tona inguru aurkitu ondoren. Hori dela eta, Ertzaintzak 44 urteko gizon bat atxilotu du osasun publikoaren aurkako delitua leporatuta.
2023ko urtarrilaren 19an, 13:30ean, Laudioko Ertzain-etxeko agenteek jakin zuten marihuana-kargamendu bat egon zitekeela Urduñako (Bizkaia) baserri baten ondoan dagoen nabe batean.
Egitateak egiaztatu ondoren, eta aurkikuntzaren garrantzia kontuan hartuta, adierazitako lekura Arabako Ikerketa Kriminaleko Lurralde Zerbitzuko (SICTA) agenteak hurbildu ziren eta euren gain hartu zuten ikerketa. Zaintza eta ikuskapen dispositiboaren ondorioz, substantzia begetalak, ustez marihuana-kukuluak, zituzten plastiko gardeneko 3.400 zakutik gora eta beste 58 poltsa aurkitu zituzten.
Ertzaintzaren baliabideek material horren jabea aurkitu eta identifikatu zuten, eta osasun publikoaren aurkako ustezko delitu batengatik atxilotu eta polizia-egoitzara eraman zuten zegozkion eginbideak hasteko.
Azkenean, arrastatua agintaritza judizialaren eskuetan jarri zuten, eta aske geratu zen kautelazko neurriak ezarrita. Bestalde, Ertzaintzak aurkikuntza horren inguruko ikerketekin eta analisiekin jarraitzen du. Substantziaren osaketa osasun-zerbitzuaren laborategietan aztertuko dute printzipio aktiboaren (THC) maila zehazteko.
