Unai Simon komunikabideen aurrean agertu da larunbat honetan Sadarren CA Osasunaren aurka jokatuko den partidaren atarian. Atezainak onartu du lehen jardunaldia ez zela ona izan taldearentzat: «Dinamika ez zen positiboa izan, baina horrek ez du esan nahi denboraldiaurrean izan genituen sentsazio onekin jarraitzen dugunik, entrenamenduetan lanean jarraitzen baitugu. Badakigu Osasunaren aurkako partidan gauzak hobeto joango direla «.
Murgiako atezainaren ustez, funtsezkoa izango da larunbatean Sadarren atea hutsean uztea: «Ezin dugu pentsatu iaz zer gertatu zen. Partida irabaztera behartuta gauden jardunaldi arrunt bat bezala aurre egin behar diogu. Badakigu oso ondo defendatu beharko dugula, batez ere etxean egin ohi dituzten alboko erdiraketa etengabeak, eta erasorik onena bilatu, noski «.
Zuri-gorrien atezainak, bera fitxatzeko beste talde batzuen eskaintzen zurrumurruen aurrean, honakoa azpimarratu nahi izan du: «Ez naiz hemendik joango, Klubak nire etapa amaitu dela erabaki arte geratuko naiz«. Halaber, nabarmendu duenez, «talde honen helburua Europako posizioak lortzea da. Irabazleak gara, eta egunero erakutsi nahi dugu hori zelaian. «.
