- 2008tik irailean erregistratutako langabetu kopuru txikiena da
Irailean, langabezia 1.933 pertsonatan murriztu da Euskadin (% 1,78), 106.725 langabetu kopurura iritsi arte, Lanbide-Euskal Enplegu Zerbitzuan erregistratutako datuen arabera. Duela urtebete baino 4.955 langabetu gutxiago daude, eta 2008. urteaz geroztik erregistratutako langabetu kopuru txikiena duen iraila da.
Kontratu mugagabeak
Kontratazioari dagokionez, hilabete honetan berriz ere kontratazio mugagabea nabarmentzekoa da, guztizkoaren % 29,17 izanik. 2023. urte osoko kontratu mugagabeen proportziorik handiena da. 73.474 kontratu sinatu ziren, eta horietatik 21.435 izaera horretakoak izan dira.
Horien artean, hilabete bat gehiago nabarmentzekoak dira etxeko jarduerak; izan ere, irailean sinatutako ia kontratu berri guztiak (10etik ia 9) mugagabeak dira.
